E faatasi i le tausaga ma faia sailiga seleni a le Asosi a Tamaitai Tuai a Pope Paulo le VI i Kuiniselani nei.
O se po mataina na iai le faamoemoe auā sa vaaia le lagolago a le toatele o le atunuu aemaise le susuga i le Toeaina ia Rev Lauie Lupematasila o le Toeaina taitai o le Pulega EFKS a Mat ma lana ekalesia, faapea Rev Osa Nanai ma le susuga ia Rev Perelini Tauilo, Ps Sitika Lemana Satui ma nisi sa lagolago le faamoemoe. Sa faatumulia e lē gata sa faaali le valevale alofa e ala i saasaaga faasamoa ae o le auai atu.
Na tauaaoina e le Asosi a Tamaitai tuai a Paulo le VI se seleni e tusa ma le $9,000.00, ma o le agaga maualuga o le fia fesoasoani atu ia latou sikolasipi e toafā tamaiti i le aoga a Pope Paulo VI i Leulumoega.
O lea lava afiafi na pikiina ai le alo‘a (Le‘autuli‘ilagi M.S Va‘atausili Le‘apai) ma le puletaasi matagofie mauaina e Letitcia, faapea le ulugalii manaia se la pea lea sa faamanuiaina ai le susuga ia Misi ma Fatima Soonalote na tauaaoina a latou meaalofa.
O le komiti a le asosi e aofia ai le Peresetene ia Tala Nimo Forbes; o le Teutupe o Tiliilagi Tauilo; ma le Failautusi o Jayne Pilia‘e. O lē sa fai ma fofoga o le po o le faletua ia Kolotita Lemana.
E momoli le agaga faafetai i nei faletua ma tamaitai ona o le galuega ofo e ala i o latou taimi faaalu ona o le manatu alofa i nai alo ma fanau poo uso a aooga i Samoa.
