O galuega o le amataga o le tausaga a le lala o le F.A.G.A.S.A. i Ueligitone, ua sauni atu mo le fetufaaiga o le “Gagana o eleiga”. O lenei fetufaaiga o le faamautuina lava o le sini autu o lenei tausaga: “Fafaga le fanau i upu ma tala. Tautala i lau gagana”.
E tele le ‘oa ma le tamaoaiga o le gagana o loo maua mai i galuega taulima a Samoa. O lenei la galuega taulima ua sauni atu i ai le lala o Ueligitone a le FAGASA ina ia puepue mai gagana moni o le ‘eleiga ina ia faa‘oaina ai faiaoga i nei galuega taulima auā lava le aoaoina o le fanau.
Ua iai le faamoemoe e amataina lenei fetufaaiga i le Aso Lua 12 o Mati, ma e toe faamanatu ai i sui uma o lenei lala ina ia manatua lenei fetufaaiga ma ia auai uma faatasi e lagolago ma puepue gagana moni o lenei galuega o measina a le atunuu.
E talia foi ma i latou o loo fia iloa le faiga o le elei ina ia mafuta mai ma faafesootai le taitaifono a le lala; afioga ia Fuiavailii Nalesoni i le telefoni 04 920 9828/telefoni feaveai: 021 186 2783 e maua atu ai le faamautuina o le maota e faia ai lenei fetufaaiga tāua.
