FUSUAGA: Fitu Pine Auro a Samoa

O le aufusu a Samoa na manumalo i pine auro

E fitu Pine Auro ma le Apamemea e tasi na maua e Samoa i Fusuaga a le Pacific Games. E tasi le Pine Auro a teine ma auro e ono a tama na maua i fusuaga o le Aso -11 o taaloga. E fitu foi aupaga na tauva ai Samoa i le aso faaiu o le taaloga i le Don Bosco Hall i Salelologa. 

O le tamaitai o Fa’asu Loia na manumalo ia Heiura Nena o Tahiti i le Middleweight. Na ia ta’ua o le taaloga ua ia maua ai manuia e tele. Aemaise ai le auai o lona aiga e matamataina ana fusuaga. O le avanoa a Fa’asu mo le final na maua ina ua manumalo ia Kakau Feofaaki Epenisa o Tonga. 

O Loia na manumalo i le taamilosaga amata. I le taamilosaga lona lua na toe osofaia ai e Fa’asu le tamaitai mai Tonga. Na manu’a ai ma le mata o le tamaitai Tonga ma tafe palapala i totonu o le maea. E lei umi ae taofia e le laufali ma le fusuaga, ma maua ai le avanoa o Fa’asu i le fusuaga faaiu ma Nena.

O Marion Ah Tong na amataina auro a Samoa i le aso mulimuli. Na feiloai Ah Tong ma Warren Warupi o Papua New Guinea ma malo ai. O ia foi ua avea ma siamupini o le Pasefika atoa i le 69kg welterweight. Sosoo ai ma le pine auro a Jancen Poutoa i le middleweight, na manumalo ia Ramses Thimoumi o New Caledonia. O le pine auro na sosoo ai o Ato Plodzicki-Faoagalaii na manumalo ia Jolando Lala Lupe Ta’ala o Amerika Samoa.  

Pine Auro 

Fa’asu Loia Middleweight Tamaitai (Tahiti Heiura Nena) 

Nuuli Mose 60kg Alii (Solomons Pemberton Lele) 

Marion Ah Tong 69kg Alii (PNG Warren Warupi) 

Jancen Poutoa 65kg Middleweight Alii (NCL Ramses Thimoumi)

Ato Leau Plodzicki Faoagalii Light Heavy Alii (American Samoa Jolando Ta’ala) 

Afaese Kalepi Heavyweight Alii (PNG Afa Lavalou)

Filimaua Hala Super Heavyweight Alii (Tonga Sepasitiano Hurrell-Lavemai) 

Pine Apa-Memea 

Alai Faaula