Ua toe alo atu nei le susuga ia Alex Faatau‘i Leapai e luiina le alii lauiloa ma ta‘uta‘ua mai Amerika i le taaloga lava o le fusu.
O lenei alo o le atunuu o se talavou sailimalo ma o lona agaga ina ia faaaogā le taleni na tuuina i ai e le Atua auā sona sao i lona aiga, ekalesia aemaise le igoa o Samoa. I le agaga maualalo o lea alo o le atunuu e talosaga atu ai pea Samoa se‘i manatua ane o ia i lau tatalo ina ia faafouina pea lona malosi a o alo atu mo lana taaloga i le Aso Sa, aso 1 o Aperila 2012. O se toe suiga lena i le aso ona o se mafuaaga le maalofia.
O le a faia lea taaloga i le Doomben Racecourse, Tuatusi: Hampden Street Ascot, Brisbane.
O le alii o Kevin ‘Kingpin’ Johnson o se alii fusu mai Amerika ua lauiloa i le paga mamafa a le lalolagi i le maoa‘e, vave, masau o lana tu‘i. Na faitauina na o le tasi lana faiaina i le fusi o le WBC o le lalolagi i le tausaga e 2009 sa fetaui ai ma le alii o Vitali.
O Samoa uma o alala i Brisbane e fia faailoa atu ia aua ne‘i e misia lenei avanoa e te maimoa ai foi i le taaloga faitaulia a Alex Leapai.
Asiasi i le website: WWW.ALEXLEAPAI.COM e oka ai sau pepa ulufale. Mo nisi faamatalaga mo laulau o le taumafataga, o loo faafesootai le susuga Noel i le telefoni: 0434 481138. Samoa e, e valuvalusia aa o le fau, se‘i o tatou lagolago i le taumafai o le alo o si o tatou atunuu.
Manatua le Aso Sa, aso 1 o Aperila 2012, o le a amata le taaloga i le ‘afa o le 12:30 i le aoauli i Doomben Racecourse, Tuatusi: Hampden Street Ascot, Brisbane. O ou māmā na Alex!
