O le faataunuuina o le faamoemoe i ni paga fusu na faatinoina e lē toatele alo ma fanau Samoa i North Shore i le po o le Aso Toonai, na faatumulia ai i mātua ma aiga aemaise o tagata lautele e lagolagoina ai le sailia o seleni e fesoasoani ai i fanau ua afaina ona o faafitauli o le olaga ma manatu ai o le pule i le ola o le fofo lea o faafitauli.
O le alo o Andrew ma Pauline Tuliloa, le tamaitai Garrangina Tuliloa ma lana paga na tatalaina le malae o fusuaga i lea po. Na mataina le faatinoga o le taleni fusu a le tamaitai o Garrangina ma manumalo ai i le 2 minute sa faatinoina ai le taamilosaga.
O fuafuaga lelei nei ua fai foi ma luitau o tupulaga ua mafai ona latou ofoina atu a latou fesoasoani e faaaogāina ai a latou taleni e fai ma o latou sao auā lava le lagolagoina malosi o nisi o a latou paaga ma uo ua afaina ona o le sese ma le valetuulima o le faatatau a o feagai ma faafitauli o le olaga.