Fuafua Seiuli Dwayne Johnson (The Rock) e toe asiasi i Samoa

Ua taua mai i ni lipoti mai Amerika le toe sauni o se tasi o tama fanau a Samoa tautaua i le taaloga o le pii, lea ua autu i ai nisi o ata tifaga i Hollywood, o Seuli Dwayne Johnston poo le Rock, e asiasi mai i lo tatou atunuu i se taimi o le tausaga nei. O le faamoemoe o Seiuli e fia aumai lona alo tamaitai fitu tausaga sei vaavaai i le atunuu na soifua ai le tuaa o lona tina, le faletua o Mataniufeagaimaleata Maivia Johnston, le alo tamaitai o le alii pii lauiloa o se alo foi o Samoa, o Fanene Pita Maivia.
Afai e taunuu lea asiasiga i Samoa, o le a avea ma avanoa lelei e faalauiloa ai ma lo tatou atunuu i le lalolagi ma fesoasoani foi i le atinae o tagata tafafao e pei ona faaalia e le pulega o le ofisa o turisi. O le malaga muamua mai i Samoa a Dwayne na faaee ai e le susuga i le Malietoa ua tuumalo a o seei i le tofiga o le Ao o le Malo, le suafa Seiuli ia te ia.
Talu ai nei na valaaulia ai lona tuaa poo lona tina o Mataniufeagaimaleata e avea ma malo faaaloalogia i le tufaga faailoga poo le Sports Award a alo ma fanau a Samoa tautaua i soo se taaloga i Niu Sila.