E ui ina afea Samoa i lona uluai masina o le tausaga, i faigata o lologa ma afā, ae sa alofagia pea e malo ma nisi o atunuu e tauala mai i foai faamealofa e pei ona faia ai e le Sui Konesula o le Malo o Siamani i Samoa, le susuga ia Arne Schreiber se foai mo le Iuni lakapi a tamaitai Samoa, le Samoa Women’s Rugby Football Union.
O lenei foai faamealofa na taliaina mai aloaia e le Peresitene o le Samoa Women’s Rugby Football Union, ia Toleafoa Ulugia Mara Hunter, faatasi ai ma le Faiaoga-Ulu o le Au a le Manu Sina ia Papaliitele Peter Fatialofa atoa ai ma le sui faatonu o le Samoa Rubgy Union ia Lilomaiava Taufusi Salesa.
O lea foai faameaalofa o togiga mo le Au a Tamaitai o le Manu Sina, ma sa faaalia le agaga faafetai tele o le Peresitene ia Toleafoa Ulugia Mara Hunter ona o lea foai auā lava le atina‘eina o le Au a tamaitai, le Manu Sina.
