Ua filifilia Jordan Taufua e avea ma All Blacks. O se tala fiafia tele lea mo le kapeteni a le Crusaders e taui ai lona taalo malosi aemaise ai le tumau ai o ia i le polokalame a New Zealand Rugby (NZR), e le toe foi e taalo mo Samoa.
E 33 i latou na faalauiloa i le ‘au fou mo le 2018 i le taeao o le Aso Sa, o Taufua e toaono isi alo o Samoa ua filifilia mo le All Blacks. O isi ua faamanuiaina e iai Rieko Ioane, Antony Lienert-Brown, Richie Mo’unga, Ardie Savea, Sonny Bill Williams ma Jeff Toomaga-Allen. O le faalauiloaina o le ‘au na fofogaina lea e Brent Impey le Taitaifono a le NZR.
O nisi ua misi mai le ‘au e iai Julian Savea e lei filifilia, Akira Ioane ma Ben Lam. O Jerome Kaino ua faamavae e le toe taalo faatasi ai ma Lima Sopoaga ua faamavae foi mai le All Blacks. Na tele le faamoemoe o le a faamanuiaina Ben Lam i le ‘au peitai, o uigi ua filifilia o Waisake Naholo, Rieko Ioane ma Nehe Milner-Skudder.
Na faailoa e Taufua, e ui e tele tausaga e lei filifilia ai o ia mo le ‘au ae e lei faaitiitia ai lona faamoemoe e nofo pea i NZ ma taalo mo le Crusaders. E lei iai foi se lagona ia te ia o le a saili sona avanoa i fafo atu o NZ pe toe foi e taalo mo Samoa lea sa taalo ai o ia i le (Samoa U20s) i le 2011. O le 2012 na foi ai o ia e taalo mo NZ U20. O le 2013 na filifilia ai Jordan e taalo mo le Crusaders i le Super Rugby. Na fanau o ia i Otahuhu i le 1992 ma aoga ai i le kolisi i Alfriston ma Sacred Heart.
O le filifilia ai o Jordan ua faigofie ona o le le auai o le kapeteni o Kieran Read i taaloga ma Farani i le masina fou. Faapea ai foi ma le faamavae o Brad Shields o le Hurricanes e le taalo mo NZ i le numera 8. Ae o Jordan ma Luke Whitelock o le Highlanders, ua tuu iai le faamoemoe o le All Blacks mo taaloga amata o le tausaga, o le avanoa lea ua misia e Akira Ioane, peitai, o loo filifilia o ia i le ‘au faaleoleo e malaga faatasi ma le ‘au. O le isi faaleoleo o Liam Coltman.
O le isi tama fou ole All Balcks o Frizelle, e lei leva ona taalo Frizelle i au maualuluga i Niu Sila ae o lea ua filifilia, faatusa ia Taufua, ua fai si leva o taalo ae o lea faatoa filifilia. Mo le ‘au fou, ua tofia ai e Tupuivao Steve Hansen le foueti e sefulu ma le fitu, ma le laina i tua e sefulu ma le ono.
E toalima ua filifilia i le Midfield ma Loose Forwards e toafitu. O vaega taua tele lea i le faitau a le faiaoga mo le ituaiga taaloga o loo fia faaaogā e le All Blacks. E na’o le lua Hookers, e masani ona tolu e filifilia. E na’o le tolu foi loka ua filifilia ae e masani ona tofa fa.
Afai e vaai i itu gaogao ma vaivai o le ‘au e manino lava o tulaga ia, o le loka ma le hooker. O loo papa’u foi ole taleni i totonu o NZ mo pou masani a le ‘au poo Props. I le faamavae ai o Wyatt Crockett ma Charlie Faumuina ua vave iloilo ai nisi lelei mo lea tulaga. Ua fesiligia ai le utiuti o tama agavaa ilea tulaga ona o le filifilia o Tim Perry, o se tagata taalo e fou i le faitau a le toatele aemaise ai olea faatoa foi mai i manuaga ae o lea ua tofia i le ‘au.
E tolu taaloga a le All Blacks ma Falani, 9th o Iuni (Aukilani), 16 o Iuni (Ueligitone) ma 23 o Iuni i Dunedin. O le a faaaogā e Hansen ia taaloga e fausia ai lana b au mo le Ipu o le Lalolagi i le tausaga fou. E lē o manatu faatauvaa foi Tupuivao i le ‘au a Farani e ui ua ta’ua o se ‘au vaivai tele o loo malaga mai. Ae o le faitau a le faiaoga e leai se ‘au vaivai a Farani. A faatamala NZ o le taimi tonu lea e faate’ia ai le All Blacks e ‘au vaivai a Farani.
O le lisi atoa lenei o le ‘au e pei ona filifilia i le Aso Sa.
Foueti
Hookers
Nathan Harris (26 yrs, Chiefs / Bay of Plenty, 11 taaloga faa-va-o-malo)
Codie Taylor (27 yrs, Crusaders / Canterbury, 29 tests)
Pou
Owen Franks (30, Crusaders / Canterbury, 95)
Joe Mody (29, Crusaders / Tasman, 31)
Tim Perry (29, Crusaders / Tasman, 0)
Jeffery Toomaga-Allen (27, Hurricans / Wellington, 1)
Ofa Tuungafasi (26, Blues / Auckland, 14)
Loka
Scott Barrett (24, Crusaders / Taranaki, 16)
Brodie Retallick (26, Chiefs / Hawkes Bay, 68)
Samuel Whitelock (29, Crusaders / Canterbury, 96) Captain
Loose Forwards
Sam Cane (26, Chiefs / Bay of Plenty, 53) Vice-Captain
Vaea Fifita (25, Hurricanes / Wellington, 5)
Shannon Frizell (24, Highlanders / Tasman, 0)
Ardie Savea (24, Hurricanes / Wellington, 22)
Liam Squire (27, Highlanders / Tasman, 15)
Jordan Taufua (26, Crusaders / Tasman, 0)
Luke Whitelock (27, Highlanders / Canterbury, 21)
Laina i Tua
Halfbacks
TJ Perenara (26, Hurricanes / Wellington, 42)
Aaron Smith (29, Highlanders / Manawatu, 71)
Te Toiroa Tahuriorangi (23, Chiefs / Taranaki, 0)
1st Fives
Beauden Barrett (27, Hurricanes / Taranaki, 62)
Damian McKenzie (23, Chiefs / Waikato, 12)
Richie Mo’unga (24, Crusaders / Canterbury, 0)
Midfielders
Ryan Crotty (29, Crusaders / Canterbury, 32)
Jack Goodhue (22, Crusaders / Northland, 0)
Ngani Laumape (25, Hurricanes / Manawatu, 4)
Anton Lienert-Brown (23, Chiefs / Waikato, 22)
Sonny Bill Williams (32, Blues / Counties-Manukau, 46)
Uigi ma Fulupeki
Jordie Barrett (21, Hurricanes / Taranaki, 2)
Rieko Ioane (21, Blues / Auckland, 13)
Nehe Milner-Skudder (27, Hurricanes / Manawatu, 11)
Waisake Naholo (27, Highlanders / Taranaki, 18)
Ben Smith (30, Highlanders / Otago, 64) – Vice Captain
Toalua e Malaga faatasi ma le ‘au
Akira Ioane & Liam Coltman
Pulega
Faiaoga – Tupuivao Steve Hansen
Faiaoga lagolago – Ian Foster
Faiaoga lagolago Foueti – Mike Cron
Faiaoga lagolago Defence – Scott McLeod
Head Strength & Conditioning – Nic Gill, Kim Simperingham
Taitai Malaga – Darren Shand
Manager / Leadership – Gilbert Enoka
Performance Analyst – Jamie Hamilton, Hayden Chapman
Foma’i – Dr Tony Page
Fofo (Physio) – Peter Gallagher, George Duncan
Nutritionist – Katrina Drury
Media Manager – Joe Locke
Logistics Manager – James Iversen
Team Services Manager – Bianca Thiel
