Na maua se avanoa o le leitio Samoa, le Penina o Asuisui, e fai ai se faatalanoaga ma le afioga i le tamaitai loia, Leulua‘ialii Olinda Woodroffe, e tusa ai ma se mataupu tāua o loo auai mai ai mo le tuuina atu o lana fesoasoani faaletulafono, ma o lea faatalanoaga ma le tamaitai loia, na faia i le taeao o le Aso Sa, 17 o Mati.
O le masii mai o le tamaitai loia, o le fesoasoani lea e tauala i lana tautua faaloia i le Aiga Samoa ma le Mafutaga Samoa na saili malo i le finauina o le gagana Samoa auā nai tamā ma tina matutua, i totonu o Sauniga lotu i Brisbane.
E telē se avanoa ma iai le aiā tatau e tulai ai mo lea mataupu, ona o le tatou gagana o measina a si o tatou atunuu.
Ua talosagaina ma augani le tamaitai loia, e na te manaomia le tutufaatasi o Samoa e lagolago ma opogi lenei matautu, e ala i se sainigalima mo le finauina o le gagana Samoa, e pei o le matautupu na malaga mai ai.
O se taimi o le a faaailoa mai ai e le tamaitai loia i ana ia lava tusitusiga o loo i lana itulau i le Samoatimes, le aotelega atoa o lenei mataupu, ma se iuga o le a oo i ai le iloiloga o le mataupu i totonu o le faamasinoga.
