Fesiligia le aoga o le VICKS

I se suesuega i Sigapoa lava latou ia ua faaalia ai e fomai e faapea latou te le fautuaina e mamai e faaaoga le kulimi lea o le Vicks Vapo Rub e pei ona lausilafia ma faaaoga soo e i tatou e foia ai le flu ona e leai se faamaumauga ua mautinoa e mafai ona tea ai le flu.
I nisi lava gasegase e matua faaatoatoa ai ona faatetele. Ma e le mafai ona foia ai le mamafa o le isu, e matua tigaina ai nisi gasegase ona o le vicks, e iai le vailaau malulu poo le menthol ma nisi o vailaau e poloka atili ai le isu o le gasegase aemaise ai pe a mili tonu i lalo ifo o le isu o le ua mai, a tele foi i le fatafata poo le ua, e faigofie ona manavaina ai le mau vailaau oona.
Peitai a mili sao i lalo ifo o le isu e mafai ona poloka ma faatetele ai le isupe o le tamaitiiti ona e vaapiapi alaea, e pei ona fai mai ai le lipoti mai Amerika. I le tali mai a le kamupani o le faia le vicks e faapea ua tele ni suesuega ma faataitaiga e aofia ai tamaiti e silia i le afe mai le 1 le masina i le 12 tausaga e le o afaina.
Na faateia ai le pulega o le Proctor and Gamble i nei faaiuga e uiga i le vicks ona fai mai a ia ua silia i le 100 tausaga o faaaoga e tagata uma.
Ae i totonuu Amerika o loo ua fautuaina ai le aua nei faaaogaina lenei kulimi i soo se tagata aemaise i lalo tonu o le isu. Na amata lenei suesuega ona o se tamaititi e 18 masina na sii atu i le falemai ina ua uma ona mili i le vicks lalo tonu o lona isu ma sa tau le mafai ai ona manava faafuasei.
Atonu e lelei ai lau faalogo ae le lelei atoatoa ai lau manava. Ma e fautuaina ina ia aua nei niniina ai isu o tamaiti poo se tagata matua foi. O nei ituaiga vai e pei o vaitale ma vai o le flu e le aoga ona faaaoga e tamaiti i lalo ifo o le 2 tausaga, ae taua le faitau lelei o faatonuga o loo pipii i le tino o le vai. O lau fesoasoani lelei lava i le gasegase, e sili lava le milimili ma fusi si au tama, ave i ai se vai mafanafana poo se supo moa ma ia lava lou taimi ma ia, e pei ona fai mai ai Dr Craven.