Fesili – Se‘i toe faasau lava le ata o pa‘ū o lafoga mo tagata taitoatasi lea e amata mai i le aso muamua o Oketopa?
Tali – Pasene Lafoga Tagata Taitoatasi
Fesili – O a‘u, talu mai na amata ona ou faigaluega i le 2004 e lei failaina lava sa‘u lafoga. Pe mafai ona e failaina la‘u lafoga?
Tali – Afai na o lou totogi mai lau galuega tumau lau tupe maua, e leai se isi au alagātupe, e pei o se rental property, poo ni au siea i se kamupani, poo se inivesi, e lē manaomia le failaina o sau lafoga. Ae mafai ona matou suesue pe maua sau refund, ona talosaga lea e faamamulu mai
lau refund. Matou te manaomia lau numera lafoga, ma saini le pepa e te faatagaina mai ai le matou ofisa e fai nei suesuega. E mafai foi ona e telefoni mai pe afai o ia te oe lau summary of earnings, ona matou ta‘u atu lea pe maua sau refund. Poo le telefoni sa‘o i le ofisa o Lafoga, a o le pogai o le umi o faatalitali i luga o le telefoni.
Fesili – O lenei lava e vevesi le matou aulotu i nei mea o tupe. Fai mai isi sui e tatau ona okika le tala o le tupe, ae fai mai le manatu o le Teutupe ma le susuga i le Faafeagaiga, e leai se tulafono e fai se okika. E tau totogi foi le pili a le Suetusi poo le Okika. Sei faasoa mai sou manatu?
Tali – E maua le tali i le tou faavae. O aulotu ua uma ona lesitala i le malo (Charities Commission) e tofu ma le faavae. O loo iai i totonu o le tou faavae tulafono mo le faaaogāina ma le sauniga o lipoti o tupe, mo le silafia o sui uma o le aulotu. A fai mai le faavae e okika le tala o le tupe, o le mea lena e tatau ona fai. O isi faavae ua ou vaai i ai, e na o le lipoti a le Teutupe e tatau ona sauni mo le fonotaga faaletausaga a le aulotu, ae lē manaomia se Okika. Ou te manatu o le mafuaaga lea o le lē mananao o isi aulotu e fai ni okika, ona e alu ai foi tupe. A faila foi le lipoti faaletausaga i le lesitala a le malo e pei ona manaomia e le Komisi, e talia tala o tupe ua uma ona okika, faapea foi tala o tupe e lei okikaina.
Fesili – O si matou ekalesia toeitiiti malepe. Tusa ma le ‘afa o matāfale ua o lava latou faatū le latou lotu fou. Ua faateia matou nei sui o loo tumau pea i le ekalesia tuai, ua oo mai le tusi a le loia ua ia maua le talosaga a le vaega lea na teteva ese, e tapuni le ekalesia tuai, ae tufatufa aseta. Poo le a sou silafia i lenei mataupu?
Tali – Tagai ile tou faavae, e tatau ona maua ai faatonuga mo le fofoina o faafitauli faapenei. Momoli se kopi o le faavae i le loia, ma fesili i ai pe fia lana pili na te galueaina ai le tou mataupu. Tele o faavae ua ou molimauina, seiloga ua iai se iugafono ma se maliliega tusa ma le 75 pasene o sui o le ekalesia e tapuni, ona faato‘ā mafai lea ona tapuni faaletulafono. O loo tusia foi i totonu o le faavae faatonuga e tatau ona uia pe a tapuni le ekalesia. O faavae uma lava o ekalesia e fa’asa ona tufatufa aseta i sui taitoatasi. Ae foai i le ekalesia aoao, po o se isi ekalesia e tusa ma le iugafono.
