O se aso matagofie i le agi mālū mai o le sau afiafi a o molimauina e gogosina fetalia‘iga a Ben ma Siniva e osia le feagaiga o le sakalameta o le faaipoipoga a o ifoifo mālie atu le la i lona tauafiafi, i le Aso Toonai, 25 o Aukuso.
O le alii faaipoipo o Ben Niumata (Leulumoega). O ona mātua o Vince ma Trish Niumata.
O le tamaitai faaipoipo ia Siniva Ana, o ona mātua le susuga ia Bishop Lealaogata (Fasitoouta & Satupaitea) ma le faletua ia Itele Lealaogata mai Neiafu Savaii.
Sa taitaia lava le sauniga e Bishop Lealaogata ae o se upu faamalosi mo le aiga fou sa fofogaina e Bishop Aiono. Sa fai ma Fofoga o le aso le afioga ia Tavui Nifae Apisaloma mai Griffith.
O le tofa ia Lealaogata Salamanesa Lealaogata sa fai ma sui o le auvalaaulia e faaleo se agaga faafetai e tusa foi ma aga masani a le atunuu ma le fofoga taumafa.
Alofaaga ma faamanuiaga mai ou mātua ia Itele & Bishop Lealaogata faapea uso ma tuagane, taitoalua ma fanau, ou cousins uma lava, aunties & uncles i Niu Sila, Ausetalia ma Samoa, le tina matua ia Tusiga Lealaogata ma aiga uma i Ueligitone, tina matua ia Vasa Faaosofia, uncle Taufi Faaosofia toalua & fanau; Esera & toalua ma le fanau, Leifi Apinati & Leoi ma le fanau i Melepone, faapea aiga uma uo ma ē masani. Manuia le aiga fou!
