Fautuaina ave taxi i le saogalemu o tulisi

E lua meli tetele lava na taunuu mai i le Aso Sa ma le Aso Gafua na tea nei, ma o tupe lelei tele mo auaunaga eseese e pei o taavale la‘upasese.
O le tasi o meli tele sa afea le taulaga o Apia i le vaiaso ua mavae na aafia ai se ulugalii sa malaga i se taxi e matamata solo i le motu o Upolu ina ua lavea le taavale i se vaega o le auala i Vaoala.
Na tigaina le tamaloa ae feololo manu‘a o le tina. O se ulugalii matutua, ma o nei manu‘aga na tulai mai ina ua oso le taavale laupasese i tua ma le auala so‘a ai loa se laau. Fai mai le faamatalaga a le avetaavale ua faaletonu taofi, le mafuaaga o le faalavelave.
O le mafuaaga lea ua toe ave ai le fautuaga a le pulega o tagata tafafao i ave taxi e siaki lelei vaega uma oa latou taavale ia mautinoa o lelei ina ia saogalemu tagata malaga faapea ma tulisi. Sa taofia i le falemai i Motootua le ulugalii na aafia, ma na alu le meli e lei malaga ai ona se‘i togafiti o la manu‘aga.
E lei toe maua se faamatalaga pe ua manuia ma tuua le atunuu.