Afioga ile alii Minisita, Lautafi Purcell ma nisi o loo galulue faavaitaimi i Niu Sila nei, i lalo o polokalame faa vaitaimi a le malo

Afioga ile alii Minisita, Lautafi Purcell ma nisi o loo galulue faavaitaimi i Niu Sila nei, i lalo o polokalame faa vaitaimi a le malo

Ua amata tuua le atunuu ei i latou ua faamanuia ina i lalo o le polokalame  o galuega faavaitaimi mo Niu Sila. A’o lei tuua Samoa, na feiloai atu i ai le palemia, Tuilaepa Lupesoliai Sailele Malielegaoi, ma e le’i alo lafoga a le taitai o le atunuu na saunoa faalaei au atu ia i latou o le a malaga.

O le kamupani fasi manu a le Silver Fern lea e silia ma le toa selau le aofai o alii ma tamaitai mai Samoa o le a galulue ai mo le 6 masina. I le saunoaga a le palemia na ia fautuaina ai i latou ua faamanuiaina ina ia aloalo mamao mai i le taumafa ava, peitai o le faamamafa na ave lea i le fautuaina o aiga ma tausoga o lo o aumau i Niu Sila sei alolofa sei tu’u le tauanau ina oi latou ua malaga atu i lalo o le polokalame e inu ma tafafo.

“Ou te faafetai i le alii pule o le matagaluega ae o le faaaogaina o le gagana tuusao e aoaoai ai i latou o le a o”. “O le ava malosi ma le o tafafao vale ma inu ava, ia pe o foi e pati o isi ia o fili o le aafia o galuega ua faamanuiaina ai e malaga atu ai i Niu Sila.”

Saunoa Tuilaepa, “Manatua lelei, a agai la e pati, e te’i lava ua pati ane ma teine papalagi, o teine palagi latou ua masani lava latou e pati, ma ua masani ai foi o le isi lea o vaega o latou soifuaga social life. O le vaega tonu la lea e le malamalama ai le Samoa, aemaise la tama mai tua. Sau loa le no school before faapea ai ua io mai le teine, ae uma ane ua leai se aoga.”

Na faaalia e Tuilaepa, e i ai se tasi o mataupu faatoa maea atu, na la faafesagai, na aafia ai se tasi o alii Samoa, na malaga i lalo o le polokalame ae alu atu i Niu Sila, fai mea valea, ua fa’asee e le tamaitai palagi ma na matua oti uma ai le mafuaaga na ala ai ona malaga  mo le sailia o manuia mo le aiga.

“Na sau lea o le toalua tagi mai ua fia alu i Niu Sila sei o’o i ai i le toalua, ae ou fai i ai e leai, ma ua uma foi e le toe i ai lava se isi avanoa mo lona toalua.”

O le fautuaga lea o lo o ave i ai ina ia utagia lelei, o loo faatali atu aiga i Samoa. Peitai na faalia e le Palemia, e i ai le isi faafitauli numela tasi lea ua alia’e nei, ma televave lona sosolo ane i le au malaga faavaitaimi.

“O le faafitauli a taunuu atu le aumalaga, ona o ane lea o aiga i Niu Sila, aemaise lava i tausoga, ma tauanau, ma fai i ai, o latou la e iloa le auala e maua ai le nofomau i Niu Sila, ma tuu o ane, ma polomisi i ai i lea mea ma lea mea, ae leiloa e nai o tatou tagata e pau lava le mea la ua manogi ai ua maua le  le tupe.”

“Alu a’i, alu a’i a, tosina loa i ai ma le mafaufau a lea na malaga atu, amata loa ona fa’ase’ise’i le galue, sosoo atu ai ma le suamalie o le alu pati, aua foi lea ua seetia i le ea malu ma le aulelei o Niu Sila, ae galo ai le mea na ala ai ona malaga atu.”

“Le alu atuga la lena, sosolo ane loa ma le teine palagi, aua la ua tele le tupe, galo nimo loa ma le toalua ma le fanau lea e nofo tatalo atu i Samoa ma tapuaia lona alo faiva.”

O le fautuaga mai i le Palemia, sei alolofa aiga i fafo, e moomia lo outou fesoasoani i nai o tatou tagata, aua le tauanau vale ae ia fautua ane iai. “O lea ua maea ona fai le aiaiga e tusa lava po’o fea e sola i ai i Niu Sila e saili a maua, ma e maua loa e le toe tuua ai lava se i si avanoa.”

Faalia e foi e Tuilaepa ua maea ona mamafa i ai a latou fautuaga, ma e le toe alo foi le matagaluega mai i faasalaga ua maea fai.