O taleni o faamanuiaga mai le Atua. E lei leva ni tausaga talu ona taunuu mai i laufanua o Brisbane le Ululama Band ae ua tolu auaunaga ua umia e le aiga e toatasi.
O le susuga ia Epa Gaga ma le faletua ia Logo Sufia sa aumau i Niu Sila i le tele o tausaga faatasi ma le nofoaalo.
Sa lauiloa tele lenei faaili a o iai foi i Niu Sila, ae na tatalaina le latou fale puepese i se taimi e lei mamao atu.
Ua taunuu le isi miti ma ua tino mai e pei ona tatalaina i le Aso Toonai , aso 11 o Aukuso, na faatumulia ai le nofoaga o Woodridge o loo iai le Renotix Printing, o le lolomiina o laei ma isi vaega e ono mamanuina.
O le susuga ia Fred Aileone ma le tautoga ia Sienianne Sufia o loo pulea le Renotix Printing. O le susuga ia Frank & Luciana Sufia o loo nafa ma le Fale puepese ma le faaili a le Ululama, ae tasi lava le Faatamā ma le faauluuluga, o nai o latou tuaa, susuga ia Epa Gaga ma Logo Sufia.
Sa fai ma Fofoga o le po le susuga ia Talitua Faraimo faapea le DJ ia Rob Savelio.
Faafetai foi i le auaunaga a le Ululama Band, Studio ma le Renotix Printing e tusa ma le lagolago e le gata o le atunuu ae faapea foi le manaomia o alaleo.
