Faitioina le pine auro a Laurel Hubbard

Laurel Hubbard

E matuā faitioina le tauva o Laurel o Niu Sila i siisii uamea mamafa 89kg a tamaitai. O Laurel Hubbard na soifua mai o se alii, peitai, ua mae’a ona faia ona ta’otoga e avea ai o ai ma tamaitai, ma ua aloaia foi faaletulafono o ia o se tamaitai.

O le tauva ai o Hubbard na misi ai ma pine auro a Samoa, auā na malo Hubbard i le pine auro i le sii o le snatch ma ia maua ai le pine auro, ae pine siliva ai le tamaitai Samoa o Feagaiga Stowers.

O le sii o le clean & jerk na malo ai le tamaitai Samoa o Iuniarra Sipaia i le pine auro, ae pine siliva Hubbard. Peitai, o le tuufaatasiga o sii e lua, na maualuga le aofiaga o kilo na sii e Hubbarad ma ia maua ai foi le pine auro i le tuufaatasiga, tulaga lua ai Feagaiga Stowers ae tulaga tolu Iuniarra Sipaia. 

E ui na maua e Samoa le pine auro o le C&J, tu lua Laurel ma Feagaiga Stowers na tu tolu ae na matuā faitioina pea le taalo faatasi o Laurel Hubbard ma tamaitai Samoa mai le Pasefika. Auā o lona tino o le tino lava o le tamaloa tusa pe ua liliu i le soifua o se tamaitai.

A’o le tamaitai taalo a tatou ua misia atoa ai o Feagaiga Stowers. 

Na tu lua Feagaiga i pine auro ia e lua na maua e Hubbard, ae semanu e maua uma e Feagaiga ia auro pe ana fai i le fea sa’o.  E lē o se mea fou le tauva o Hubbard faatasi ma tamaitai, na tupu foi i le 2018 i taaloga o le Commonwealth i le Gold Coast, lea foi na tauva ai Feagaiga ma Hubbard i le mamafa lava lea o le 89kg. 

O faaiuga a le Olympics komiti ua talia Hubbard e tauva ma tamaitai. 

Peitai, o loo iai nisi suesuega o loo loma nei e faasino i le mataupu. Ua fai le faaiuga a le asosi afeleti a le lalolagi o le tamaitai o Caster Semenya mai Aferika i Saute lea e tamo’e i le 800 e lē o se teine, ae o le tama. 

O loo unaia ai la e le asosi afeleti lea mau i totonu o le li’o a le Olimipeka mo se faaiuga tutusa i lea mataupu. Na manumalo Laurel i le auro i le sii 268kg le mamafa ae 261kg le tuufaatasiga o le sii a Feagaiga ae tu tolu Sipaia i lana sii 255kg. 

A’o le sii na misi ai Hubbard o le Clean & Jerk e lei manuia, na lagonaina ai le patipati o tagata maimoa auā na sili ai loa ma le sii a Iuniarra Sipaia mo le pine auro, tu lua Hubbard ae tu tolu Feagaia.

Ana leai Hubbard e maua e Feagaiga Stower pine auro e lua ma le siliva e tasi. Peitai o pine a Feagaiga na maua, e lua siliva ma le apamemea e tasi. 

E lua foi pine na maua e Iuniarra o le pine auro ma le pine siliva.  O Hubbard e lua ana pine auro na maua ma le pine siliva.