Ua avea nei le Legends Band ma Faaili muamua i Sini e ofo fua la latou auaunaga auā se faamoemoe na faagasolo i le Aso Faraile talu ai, aso 15 Fepuari 2013. Na vaaia le mālie o musika a le faaili faapea DJ Tonz aemaise le Alii o Ben Mahroud, na valaaulia e fesoasoani i le matagofie o le polokalame.
Na amata i le itula 5-11pm i le po lea faamoemoe i le Bowman Hall i Blacktown. Na vaaia foi le lagolago a nai palagi e maupaolo i tamaitai Samoa. O le alii Arapi ia Ben na mataina lona siufofoga ina ua pese i fatuga faaevagelia. O lea po na foai ai lava e nai uo ma ē masani meaalofa e tauala atu i seleni ofu ma taumafa lea e sauni uma e le Legends le auina atu. Saunoa le Sui o le Faaili ia Lonetona Siitia, “O lenei auaunaga ua mafua ona o le alolofa i mafatiaga na vaaia ia Evan ma o Samoa e mativa ma e tagi lava i Lima.”
O fuafuaga a le Faaili ia faamaumau lelei uma seleni ma isi meaalofa, ma ga ailoga le limafoai faatoa malaga se tasi e momoli aloaia. Saunoa foi taitai Faaili iaTumatavai Sese Piilua, “Lagona lava le fiafia o le agaga ua ofo fua le auaunaga a le Faaili mo lenei fesoasoani pe laititi pe tele ae talosia ia fesoasoani ai i nisi o fia maua se fesoasoani. “O loo tatala pea le avanoa mo ofu ma isi meaalofa o loo faamaopoopo e i latou faatoa lafo ma faailoa mai le aotelega. Na vaaia ai foi le sapaia o lea po e le Faaili i Sini o le Liua le vai o Sina. Aemaise nisi o alo na pasi ioe togi a le Manu Lea sa malaga atu e tapuai
le Fitu i Vegas.
