Faauuga o Stanley Nair

O le viiga e faafoi i le Atua, auā sa matou tatalo ma faatalitalimanū poo fea a tua i ai le sailiga malo a le atalii ia Stanley Nair. Ma ua tali faaliali ai e le Tamā o i le Lagi, ua tau lau o le faamoemoe, ma ua manuia lana taumafaiga.
O lea e ao ai lava ona lē itiiti le faafetai mai le ta‘ele o matou agaga ma o matou loto, e ao ona ave le faafetai o le faamanū ma le faaneetaga i le Atua auā ua onomea ma tatau ai viiga, ona o lona alofa ua ia faamanuia ai le atalii ia Stanley ma ua faauuina mai ai i le Iunivesite a Aukilani, ma ua mauaina ai se tasi o faailoga maualuga.
Molimoli atu ai le faamalo ma le faafetai ia te oe le atalii. Malo le tauivi, malo le onosai, ma ia faamanuia le Atua i au fuafuaga uma o le lumanai.
Alofaga mai ou aiga uma mai Ausetalia, Samoa, Amerika, Fiti, ma Niu Sila, aemaise o lou Grandma o Tuamafa Taloto Teleni, ae faasilisili ai alofaaga o ou mātua o Patrick ma Sitoe Nair.
Praise God for his love and great blessing upon you Stanley. Congratulations for your great achievement in graduating in a Bachelor’s Degree, we are all so proud of you.  We wish you all the best for your future endeavours. God bless & lots of love from all of your families in Australia, Samoa, America Fiji & NZ, your Grandma Tuamafa Taloto Teleni and especially your parents Patrick & Sitoe Nair.