Faauuga: Niuafolau Tuamafa Taito-Taloto

A manuia se taumafai ona maligi lea o loimata. Loimata o le fiafia, ona lagona ai lea o le loto maualalo.

E faafoi le faafetai i le Atua e ana le poto ua mafai ai e le sailiga na saili atu ai i le Atua, e fia maua se fesoasoani lea ua tali mai o ia i lona alofa i le aso 16 Tesema 2010, e pei ona faauuina mai ai le Afioga Niuafolau Tuamafa Taito-Taloto, mai i le Iunivesite o Aukilani, i se tasi o Tusipasi Faiaoga e mafai ai ona faiaoga i le Iunivesite o Aukilani.

O le alo tamaitai o le susuga a le alii A‘oa‘o ia Taito Taloto ma le Faletua ia Filoiauro mai le afioaga o Satuimalufilufi ma Vailima.

O se tasi foi sa galue i le Radio Samoa i ni tausaga ua mavae, ae talu ai o lona pisi tele na ala ai ona faamavae i le Radio Samoa. Avatu ai faamanuiaga a le Pulega a le Radio Samoa ma le tatou nusipepa o le Samoa Times.

Ia manuia tele au fuafuaga mo le lumanai i le alofa o le Atua.