O le oo mai o le poto ma faaeaina ai le taumafai, o se isi lea laasaga o le soifua e faasiligamalosi i le tino o le tagata soifua.
E olooloia ma ma‘osi‘osia, ae o tua atu o loo afifi ai se faaeaina.
O le afiafi o le Aso Sa aso 8/12/13 sa faataunuuina ai le faauuga o alo ma fanau e to‘a 20 e aofia ai tamaitai ma alii Samoa mai le Iunivesete a Grifith faapea le isi toalua mai le USQ ma le QUT.
O lenei faatasiga e faataunuuina ia Tesema o tausaga uma, ua tolu nei tausaga talu ona faavae lenei Asosi, lea e tele ina faatasi atu i ai nisi mafutaga aemaise le Leo o Tagata Samoa.
O se vaega matagofie ma le talafeagai o loo faagaioia ma faatautaia e nisi o alii ma tamaitai tuai sa aoaoina i le Iunivesete o Grifith, o le faamaopoopoina o se taumafataga tele e fiafia ai le aufaauu ma o latou aiga ma uo.
E momoli ai le agaga faafetai i le a‘e o se tofā ia i latou nei. Na amataina i le 6:30 i le afiafi o lea lava aso i le Logan Entertainment Centre i Logan Central.
O seleni uma e maua o le a tuuina atu e faaagaga mo fuafuaga a le Asosi auā nisi o poloketi mo alo ma fanau e aoaoina ma faauu mai i le Iunivesete.
O le komiti faafoe le Peresetene o le susuga ia Junior Aofaina Levi, nisi i totonu o le komiti e aofia ai le tofa ia Faamatuainu Vaaaoao Alofipo, Glenda Stanley sa avea ma liaison officer, ae o lea ua toe suia mai i le tamaitai o Ema Alofipo Tanuvasa o le liaison officer ona ua see atu Glenda i le isi matagaluega.
Sa amata le polokalama i le sauniga lotu puupuu saunia e Ps Faamanuia Aloalii, toe faaiuina e le Faafeagaiga i le tatalo.
Suafa o Tamaitai ma Alii Samoa sa Faauu:
Griffith Pasifika Cultural Graduation
Suafa Tusipasi
Patricia Silao Bachelor of Human Services
Sia Tasi Bachelor of Human Services/
Bachelor of Criminology &
Criminal Justice
Kesila Fiso Master of Human Services
Mesepa Salesa Bachelor of Arts
Ailaoa Chong Nee Bachelor of Commerce
Anna Timu Bachelor of Business
Vallery Milo (USQ) Bachelor of Business
Monique O’Keeffe (QUT) Bachelor of Urban
& Regional Planning