O se tasi lenei o kamupani tele mai Amerika lea ua faalauiloa mai nei le amataina ai o le latou auaunaga i le Pasefika e ala i auaunaga o uta feaveai i Samoa ma le Pasefika i lana tautua mai Aukilani agai i Fiti, Nauru, le Atu Solomona, Tahiti ma Samoa, Amerika Samoa, Le Atu Kuki, Niue, Tonga, Wallis ma Futuna, Vanuatu, Tuvalu ma isi .
O le a o latou faaauauina le tautua a le kamupani vaa a le Reef Shipping ua loa foi le tautua i totonu o Aukilani i auaunaga lava o le feaveaiina o uta.
O le auaunaga fou la a le Matson o loo lesitalaina i lalo o le Matson South Pacific Ltd o se kamupani umia e le Matson Inc ma ua silia ma le 130 tausaga o le auaunaga i le Pasefika ma o loo tautua ai foi tamalii Samoa e pei o Michael Jones lea o loo taua i le pepa o faamatalaga ua filiflia e avea ma se tasi o le pulega a le kamupani lea i auaunaga agai atu i le Pasefika.
O le kamupani na faatuina i le 1882 i Amerika ma e aofia ai vaa e 17 o loo faatinoina le auaunaga o le felauaina o containers o uta ma faamomoli, o se auaunaga manaomia tele e o tatou tagata mai le Pasefika.
O loo faaauau ona faataunuu le auaunaga a le Matson mai le nofoaga sa faamautu ai le Reef Shipping i Aukilani.
