O se tasi lenei o taamilosaga, o loo faaauau pea i tausaga taitasi, ma o loo vaaia pea ma molimauina le tulaga o loo gasolo i ai le toatele i Aso Toonai taitasi i taimi o aoauli e silasila ma mataituina taualumaga o nei taaloga.
O se tasi o vaaiga matagofie o le toatele o tino i matutua i tamā ma tina o loo fiafia e tapuaia alo ma fanau aemaise au a afioaga o loo tausinio ai i lea taamilosaga, aemaise ai foi le toatele o tupulaga talavou o loo tumutumu ai i le Aorere Park i nei taaloga.
I le faagasologa o nei taamilosaga ua see atu nei i le vaiaso lona fitu, ma ua molimauina ai foi le tau fai finafinau uma o Au i le taaloga i lea vaiaso ma lea vaiaso, aemaise ai lava le tapenaga fou lea ua amataina ai i lenei tausaga o le filifiliaina ai lea o le Au filifilia a Aukilani Samoa i vaiaso taitasi; e pei o le tasi lea faiga ua pei ua toe tinou ai alii taaalo e faatinoina le taaloga.
O loo faaauauina pea nei taaloga i Aorere Park ma o loo amataina i le 15 masani ona taualuga foi lea i le taamilosaga taitoafitu. O le taamilosaga lenei i Aukilani e lē taumate o i foi lea ua mafua ona fanau mai ai nisi o taamilosaga o lea ua amataina i nisi o faalapotopotoga Samoa i totonu lava o Niu Sila ae faapea ai foi Ausetalia.
Ma o le isi lea ai o lea taamilosaga ona ua mafai ona faaosofia ai nisi e faavaeina ni taamilosaga faapea auā lava le lumanai o le Lakapi mo Samoa ma le lumanai, manatu ua laina tutusa lelei ai le faagasologa o lenei taamilosaga i nisi foi o taamilosaga o loo faia i Niu Sila nei faapea Ausetalia, ma o loo maua ai foi ma le sootaga vavalalata ma le tatou Iuni Faatamā i Samoa.
Iuga o taaloga mai le vaiaso talu ai:
Laulii 41 vs Otahuhu Warriors 21
Auck Reds 23 vs Saleimoa 23
Apia Maroons 26 vs Sataoa 25
Safotu 8 vs Nations 18
Iva 20 vs Lupe o Soaga 13
Marist (Shield Holder) 11 vs Lamua o Tumua 6
Nofoalii BYE
Malie BYE
Samoa U12 80 vs Otahuhu U12 14
Faasologa o Taaloga Vaiaso nei 4 Oketopa 2014
Nations vs Marist
Safotu vs Laumua o Tumua
Nofoalii vs Lupe o Soaga
Apia Maroons vs Auckland Reds
Sataoa vs Saleimoa
Laulii vs Malie
Iva BYE
