E tele lava ekalesia sa alo atu ia latou sauniga masani o le faamanatuina o le aso maliu o le Faaola. E lē gata o tala, ae o pesepesega ma faaevagelia; o ni tomatau foi nei e saga faamausali ai lo tatou faatuatua ma faatumau lo tatou mautinoa, sa lei maliu fua Keriso ae ina ia magalo ai oe ma a‘u le tagata agasala.
O le Aso Faraile na faatasia ai foi le Falefa a le Ekalesia Uesiliana Metotisi a Ausetalia i le latou polokalame masani o le aso faapitoa o le Eseta.
O le ekalesia a Inala o loo tausia e le Taitaifono ia Rev Risatisone ma le faletua ia Faitauga Taufao. O le ekalesia a Forest Lake o loo taitaia e Rev Evile ma le faletua ia Taumuli Pule.
O le ekalesia a Waterford o loo taitaia e Rev Kalepo ma le faletua ia Susana Afemata ma le ekalesia a Bray Park o loo taitaia e Rev Malaefatu ma le faletua ia Bella Seumanu.
Na iu manuia fuafuaga uma o le aso faapitoa o le Eseta ma taualuga ai foi i se taumafataga tele.
