Faatautaia Semina faiaoga Aso Sa Ekalesia AOG itu Palagi a Kuiniselani

O le taeao o le Aso Toonai aso 8 o Fepuari na faataunuuina ai le semina fapitoa  a faiaoga Aso Sa a le Ekalesia AOG i le Itu Palagi, ua na o Kuiniselani lava. Na malaga mai le taitai o Aoga Aso Sa a le ekalesia i Ausetalia le susuga ia Ps Chico Sheck mai Melepone.

 
Sa faapea foi ona auai mai le susuga ia Ps Mataia Alofa mai le setete o Niu Sa Uelese. O le aao tusitusi a le Aoga Aso Sa i Ausetalia o le susuga ia Ps Manu‘ula Nai lea o loo tausia le ekalesia a Kingston i Kuiniselani nei. O le taitai o le aoao a Brisbane lava ia, o le susuga ia Ps Alaivanu ma le faletua ia Va Toma.

 
O le faamoemoe o nei semina o le toe faaauupegaina lea o susuga i faiaoga Aso Sa i ekalesia taitasi auā foi galuega faagasolo o lenei tausaga 2014.
Na mae‘a paelago fuafuaga uma i le agalelei ma le aao taitai o le Matai sili i le lagi ma faaiuina ai i se taumafataga ma ta‘ape ai le filialii.

Faafeagaiga ma faletua faapea le taitai o Aoga Aso Sa a le AOG Itu Palagi ma i latou sa auai mai ona o le semina a Aoga Aso Sa i Brisbane Semina a Aoga Aso Sa AOG Itu Palagi i Kuiniselani