O le aso malolo o tagata maliliu i le taua le ANZAC Day, sa faia ai le aotelega o autalavou a le Pulega EFKS a Sisifo. Sa faatumulia ai le paka a le Tofa Mamao i taaloga o le taamilosaga o le lakapi pa‘i.
O le susuga i le Toeaina Faatonu Rev Kerita Reupena ua lē gata o loo faauluulu i ai le Matagaluega ma le pulega ae o loo faatautaia foi le polokalame o taaloga e pei ona sa faagasolo mai i taimi o aso malolo o tagata ma fitafita ma maliliu i le taua faatasi ma le fesoasoani, le susuga ia Rev Lance Tautiepa, ma le failautusi o le susuga ia Tui Vaimoso.
O se avanoa matagofie sa vaaia le fealofani o le mafuta faatasi o tupulaga talavou a le Pulega a Sisifo. Na vaaia le agaga fiafia o tupulaga talavou a le Pulega e ala i le femasania‘iga faapenei e ala i taaloga.
