O le tele o ekalesia e talotalo i aso malolo faapenei pei o le ANZAC Day e maua ai taimi e feiloai ai ma faataunuu taaloga aemaise o avanoa faaauro e mafuta faatasi ai le fanau kerisiano.
Na mataina le zumba tele a le ekalesia AOG Itu Samoa a o faagasolo ai lea foi vaega tāua o le faamalositino e aogā tele mo le soifua maloloina.
O le susuga i le taitai poo le faaao o le tafatolu, le susuga ia Ps Tae‘auga Ropati ma le faletua ia Saeseese Frost o loo faagasoloina lea zumba.
O se tasi lenei o vaega sili ona lelei o le faatāuaina pea o le faamalositino e le tele o ekalesia ma mafutaga.
O le talitonuga ma le mau tauave pea, a malosi le tino e faigofie foi ona faatino vaega uma auā o loo gaioi le tino ma atili faamalosia ai alatoto o le tino o le tagata, e faigata foi ona apoia e gasegase o le olaga.
