Na matuā faatumulia le maota o le Dream Centre i Manukau i le afiafi o le Aso Toonai i le taupati atu o tagata e lagolagoina ma faamalosia le sailiga seleni na faia ai e ala i le ofoina atu o le fesoasoani a alo ma fanau i fusuaga na faataunuuina ai i lea po.
O le faamoemoe tāua lava o le fia faaoo atu ai o le loto fia fesoasoani ma le agaga alofa e ala i lea sailiga seleni mo le faaleleia atili o le tautua a le matagaluega o loo faafoeina le feagai ai ma le aoaoina ma le fautuaina o tagata ina ia aloese ma faataumamao ese ma le tulaga i le manatu e pule i le soifua ona o faafitauli e feagai ai ma le ola.
Toatele ni alo ma fanau o le atunuu o Samoa na ofoina atu la latou fesoasoani ma faaaogāina ai i latou e fusu i ni paga sa tapenaina e le pulega mo le faagatama lea po.
O le isi la lea paga mataina o le susuga ia Albert Scott na manumalo ai i le lana fusuaga.
Ia sa mataina foi i le silasila auā na faapena foi ona faagasolo ai paga a tamaitai ona o le loto lava ma le agaga lea e tasi, e pei ona faaauau i ao le faamoemoe o lea po.
