O se tasi o pitonuu i le Laumua i Ueligitone na tupu ai se faalavelave, ona ua mu saesae le afi na mu ai se fale i le aai a o iai se tamā i totonu e pei ona lipotia mai e le Dominion o le Aso Lulu na tea nei.
O le faalogo atu a lona tuaoi ina ua faasolo ina moe, ae te‘i i le faalogoina o le pa‘o mai o le gapāpā o mea i fafo i lana faalogo. Na oso ese mai le moega ma momo‘e e vaai, ae iloa atu ai le talali o le fale o lo latou tuaoi.
Na oso faavave atu ma fai ona lavalava ae nati loa e vaai poo iai se isi i le fale. Na faalogoina le leo o le tagata i totonu ma iloa ai o se tasi o tamā o loo iai i totonu o le talali o le afi. E lei faatali loa le tama lea ae momo‘e loa i totonu ma maua ai le tamaloa o taoto ma faataio mai. Na toso vave loa i fafo e le tuaoi ma faasaoina mai ni manu‘aga tuga ma se faalavelave matuiā.
E faafetaia lava le loto fesoasoani o le tua’oi ma le nanati e faaoo le galuega alofa i si ona usoatuaoi semanu e sau mala e atiae.
E le taumateina foi le mafanafana o le mafutaga a nei tuaoi, talu mai lenei faalavelave. Ioe o loo faamanatu mai pea le Tusi Sa: “Ia e alofa atu i le lua te tuaoi ia pei o oe lava ia te oe”. A o la Keriso: “O o‘u soo outou pe a outou fealofani”.
