E soo se ekalesia, soo se faalapotopotoga, soo se kamupani poo soo se vaega foi, e tāua tele le iai o sona vaega e faauluulu pe taimua i le faatinoga ma le faagasologa o fuafuaga uma, ina ia mautinoa le maopoopo ma le sologa lelei o lena ekalesia, faalapotopotoga ma isi uma tino maopoopo faapena. O le Aso Sa aso 7 o Fepuari sa faapaiaina ai tofi fou o le ekalesia LMS
Toe Fuataina i Melepone, lea o loo galulue ai le Susuga i le Toeaina ia Rev Faiumu Pio ma le faletua ia Koleti Faletua‘i. Sa taitaia le sauniga e le susuga i le toeaina ia Rev Faiumu e faapaiaina ai nei tofiga fou aua le galuega a le Atua.
O ia latou la nei ua faapaleina i tofiga o le 2010 e oo atu i le 2012:
Failautusi: Tautaimalii Peneueta Augafaapae
(Lalomanu & Lefaga)
Teutupe: Toe tulai mai le tiakono tamaitai – Leala Matofai Forbs
(Safune & Aopo)
Taitaipese: Susuga le alii aoao – Mo‘a Siitu Niu‘apu
(Leulumoega & Manono)
Taitaipese tamaitai: Faletua ia Nuulopa Finau Stanley
(Lalomanu & Saipipi Savaii)
Tapiano: Tafa Niuapu (Asau)
Komiti o le atinae o le lotoifale o le ekalesia: Sinta Augafaapae & faletua ia
Lola Niu‘apu ma Leala Forbs
Sa faapaiaina nei tofi mo le tailua tausaga ma toe faia le palota, sa faapaiaina ai foi tofi o le aoga Aso Sa ma faiaoga.
O upu faamalosi sa saunoa i ai le toeaina ia Rev Faiumu Pio Faletua‘i ina ia faamaoni ma lototetele ma ia faaiuina lo outou faiva. Sa faaiuina i se taumafataga tele ma lululima ai ma faamavae le ekalesia.
