Faapaia tofi o Asosi tama ma teine tuai Kolisi a le Katoliko i Samoa

Se mea lava ina a matagofie o le nonofo faatasi ma fealofani ma le auaumea faatasi.

O se tasi lenei o Ekalesia ua mataina i Kuiniselani i le maopoopo o Asosi a tama ma teine tuai sa a‘oa‘oina ai i ana aoga poo kolisi i Samoa.

E lē muta ai lo latou soifua fia auauna ma fesoasoani i nisi o fanau tuputupu a‘e a le Ekalesia.

E 4 lava Asosi o loo tausinio ia latou mafutaga, e ui ina eseese tupuaga peitai e lē tuua ai le fia mafuta faatasi ma le fia soosootauau i le manaomia mai Samoa i nisi o vaega e faatino ai a‘oa‘oga a alo ma fanau.

O tausaga uma a o lei tetee e le sā i galuega masani o le tausaga, e muai tuufaatasia lava i se Misasā e faapaiaina ai tofi e pei ona iai le Aso Sa, 22 o Ianuari, lea sa feagai ai ma le Taitai o le Puleaga Katoliko i Kuiniselani, afioga ia Patele Epati Tamati.

Sa auai nisi o malo faaaloalogia ma le mamalu o le puleaga sa faatumulia ma molimauina lea Misasā faapitoa.

O le afioga ia Patele Epati o ia ole tama tuai a Sanele, ma le aifoga foi ia Faimalotoa John Pale o loo avea ma Peresitene o le Mafutaga a le Leo o Tagata Samoa, o ia o se tama tuai o Malisi, faatasi ai ma nisi o tupu ma tamalii sa ‘auai. E to‘a 17 i latou o loo auai i totonu o le asosi.

 

O Asosi e 4 ma o latou laulau e pei ona faapaiaina:

Teine Tuai o St Marys:

Peresitene – Agnes Felix

Sui Peresitene – Foloī Wall

Failautusi – Joy

Sui Failautusi – Letasia Curry

Teutupe – Joyita Stanley Slade

 

Teine Tuai o Pope Paulo VI:

Peresitene – Telesia Leota

Sui Peresitene – Tala Nimo Forbes

Failautusi – Jane Pilia‘e

Teutupe – Tili Tauilo

Sui o le Asosi-Kolotita Lemana Patau

Salī Fernandaz

Polu Suila‘i

Nicole Leiataua

Terisa Pilia‘e

 

Tama Tuai o le Malisi:

Peresitene – Afioga Muagututi‘a ‘Ite Soo Chun

Sui Peresitene – Afioga Tofa Lefinealii Li‘o Tomasi Maiava

Failautusi – Fetalaiga Leautuliilagi Sogialofa Malaeoalii Vaa Le‘apai

Teutupe – Taofinuu Tai‘i

Tama Tuai o Sanele:

Peresitene – William McFall

Sui Peresitene – Salā Emani Petelo

 

Failautusi – Pale Tagaloa Faaleaga

Teutupe – Richard Lio Willie