O le ‘afa o le 11 i le taeao o le Aso Sa, aso 2 o Fepuari, sa osia ai se Misasa paia i Marsden i le itu i Saute o Brisbane. O lea sauniga tāua o se manulauti faataoto a Asosi o alii ma tamaitai sa aoaoaina i aoga a le Katoliko i Samoa i tausaga uma.
O se sauniga tuufaatasi sa valaaulia ai soo se tasi a o le fu‘a taualuga o le faapaiaina lea o tofi auā galuega faagasolo o le tausaga.
Sa taitaia lea Misasa e le afioga ia Patele Epati Tamati o le taitai o le puleaga Katoliko a Kuiniselani. O le tausaga foi lenei o loo faatautaia e le asosi o tama ma teine tuai o le kolisi o Sanele. O isi asosi e taitasi tausaga ma fesuiai tofiga se‘i vaganā ai Tama Tuai o le Malisi e tailua Tausaga.
E fā lava Asosi i totonu o Kuiniselani e aofia ai ma a latou laulau nei:
Tama tuai o le Malisi: Peresetene – Muagututi‘a Ikenasio (Su) Soo Choon; Sui Peresetene – Tofa Lefinealii Tomasi Maiava; Failautusi – Leautuliilagi Malaeoalii Sogialofa Vaa Leapai; Teutupe – Taito Antonio Washburn.
Tama tuai o le kolisi o Sanele: Peresetene – Salā Kelemete Tito; Sui Peresetene – Malaki Etuale; Teutupe – Maletino Fonoti; Failautusi – Tovi‘o Savea.
Asosi a tamaitai tuai a Pope Paulo VI: Peresetene – Tala Nimo Forbes; Failautusi: Miss Jayne Pilia‘e; Teutupe – Tili Tauilo.
Asosi a tamaitai tuai a St Marys (SMOGA): Peresetene – Agnes Felix; Sui Peresetene – Joyita To‘alepaialii; Failautusi – Pearl Tupua; Teutupe – Charity Ah Fook.
