O le viiga sili ma le faafetai i le Tama i le lagi ina ua taunuu le faamoemoe sa moemiti i ai le Aufaipese le Ekalesia Faapotopotoga Kerisiano Samoa i Nelesoni i le motu i Saute o Niu Sila.
O le Aso Sa, aso 21 Novema 2010 sa faia ai la latou sauniga lotu masani ma faapaiaina ai la latou togiga.
O lenei togiga sa suiina e le Kamupani o le XIAN FA INTERNATIONAL mai i Aukilani. O foliga fiafia o le Aufaipese e faafetaia ai le Tama i le Lagi ina ua taunuu lenei faamoemoe.
O le faatupeina o lenei Togiga sa tagi lava i lima o le Aufaipese. O le Faafeagaiga o le Ekalesia o le Susuga ia Faleulu ma le faletua ia Luaipou Malaulau.
O se vaaiga lena i le Togiga fou a le aufaipese, ma ua vaaia ai le onomea ma le lalelei o le Aufaipese i le laeiina. Ua sauni atu nei le
Aufaipese e faailoa la latou Togiga i le Faigame a le latou Pulega e faia i Kalaiesetete i le Aso Sa mulimuli o lenei masina. O le Ta‘ita‘i Pese o le susuga ia Manu Talamaivao, o le Failautusi o Faaliliu Mati ma le Teutupe o Silafaga Mauafu. O Ta Laau o Siu Vitaoa, Leaula Kolai Tauti ma Fatu Togaga‘e.
