O sikoa a Pama Fou ma Allan Faalavaau o le taitoafitu a Ausetalia na malolo ai le Manu Samoa 12-7 i le suega siamupini o le taitoafitu a le FORU i le Aso Sa. O le malae taalo a le Kalapu i North Sydney na faia ai lenei tauvaga ua filifilia ai Tonga ma Ausetalia e sao atu i le Ipu o le Lalolagi i Rusia ia Iuni o le tausaga fou. O Samoa, Fiti ma Niu Sila ua leva ona sao atu i le Ipu o le 2013 ina ua mae‘a le 2009.
Na muai sikoa le susuga Robert Lilomaiava i le ‘afa muamua, sili le Manu Samoa 7-0 faato‘ā maua se avanoa o Pama Fou le tama Samoa saoasaoa o loo uigi i le ‘au a Ausetalia e ui e lei ova le kiki i le pou.
Na iai se avanoa e sili ai Samoa ina ua sao atu Alatasi Tupou i le tulimanu ae toe maua atu e Ausetalia pe toe lima mita mai le laina sikoa. E ta le ‘afa o sili le Manu Samoa 7-5 ae peitai e tele avanoa maimau ma pasi sese.
Na vaaia foi le vaovao soo o le ‘au a Ausetalia i le fitifiti o tama fou o le latou au. Na afaina Samoa ina ua faasala Talaga Alofipo i le ‘afa faaiu ma taaalo toaono ai le Manu Samoa e ui e lei ausia e Ausetalia le laina sikoa i lea taimi.
Na toe atoa le Manu Samoa ae peitai na sao mai ai Allan Faalavaau o Ausetalia mai i tua o la latou laina 22 i le ogatotonu o le Malae ma momo‘e mai ai mo le 70 mita e aunoa ma se puipuiga a le Manu i tua. Na ova le sikoa lenei a Faalavaau ma sili ai loa Ausetalia e 12-7.
O le taimi lea na fai ai suiga o le Manu Samoa ma toe sao atu ai le isi osofaiga mataina na semanu e sikoa manumalo ai Faleniu Iosi, ae peitai na toe popo mai e Will Miller o Ausetalia pe toe lima mita sikoa Samoa.
E mae‘a le taaloga o ‘ai lava ia ma ua seia ai foi ma le Fusi na manumalo ai Samoa i lenei lava tauvaga na faia i Apia i le tausaga talu ai. Ua toe taliu nei le Manu e tapena mo le uluai tauvaga o le IRB e faia i le Gold Coast i le masina o Novema.
Na saunoa le faiaoga ia Tausa Faamaoni Lalomilo, “E ui lava ina ua malolo le ‘au i le taaloga faaiu, sa ou fiafia lava i tulaga nei, o le toatele o tama tuai o loo sauni mai i Samoa mo isi tauvaga tetele ae peitai ua vaai le tulai mai o nei tama fou e ono avea ma poutu i le lumanai o le Manu Samoa.”
Na tagai toto‘a foi le Manu Samoa e auina mai nei alo talavou e faamasani i le tauvaga lenei e faalautele ai le loloto o le taleni lautele a le taitoafitu a Samoa auā le lumanai. O tapenaga foi nei e aofia ai ma le sauni atu i taaloga i Rio, Brazil i le 2016.
O le taimi muamua lenei o le a ofi ai le taitoafitu i le Olimipeka. O tapenaga uma a atunuu i le taimi nei ia oo atu i le isi Olimipeka ua sauni ma lelei a latou ‘au auā le tauvaga mo le uluai Pine Auro, Siliva ma le Apamemea o le Taitoafitu.
Na mataina foi le sailiga e Amerika Samoa ma Papua Niu Kini o le tulaga lima ma le tulaga ono lea na manumalo ai Papua i le 24-21. O le Talavalu a Amerika Samoa
Quarter finals
• Samoa 62-0 Solomon Islands
• Papua New Guinea 15-17 Tonga
• Cook Islands 19-0 American Samoa
• Tahiti 0-55 Australia
Play-off semi finals
• Solomon Islands 7-24 American Samoa
• Papua New Guinea 47-0 Tahiti
Semi finals
• Samoa 52-5 Cook Islands
• Tonga 7-24 Australia
• Solomon Islands 52-0 Tahiti
Fifth place play-off
• Papua New Guinea 24-21 American Samoa
3rd place play-off
• Cook Islands 17-19 Tonga
Final
• Australia 12-7 Samoa