“O taimi e inu pia ai lo‘u tama e faatino ai lana amio leaga ia te au”
Na tagi ma tau lē mafai ona fofogaina le molimau a le teineititi 15 tausaga le matua, a o ia faamatala le gaioiga a lona tamā moni na faatino ai se faigaaiga faamalosi ia te ia, lea na faaalia e le itu a leoleo e faalua ona faatino lea solitulafono i le masina o Aukuso, ae faatasi i le masina o Tesema o le tausaga ua mavae 2009. Na lologo le potu faamasino numera 3 a o faamatala ma loimata e le teineititi le la mafutaga ma lona tamā. “Ou te lei vaai lava i lo‘u tina talu ona ou ola, ma ou te lei feiloai foi i ai. O lo‘u tamā lava na ia tausia a‘u seia oo ina ou matua ma ou alu i le aoga”. O le faamatalaga a le teineititi na vaaia ai le toulu o loifofoga o nisi o le aufaafofoga faapea le laulau o faatonu na faamasinoina molimau.
O se nuu i Savaii sa nonofo ai lē ua molia ma lona afafine. Ua lē mafai ona faasalalauina le nuu ma suafa o i laua ona o se poloaiga a le faamasinoga i le fia puipui i aafiaga o le teineititi.
Na molimau le teineititi i lona alofa tele i lona tamā auā o ia na tigaina i le tausiga o ia. O tupe uma foi na maua e lona tamā sa faaaoga ai o ia i se tasi o aoga i totonu o le nuu.
Ae na faaalia e le teineitiiti, o lona tamā e onā pe inu pia i aso uma. O se tasi o po sa inu ai lana fagupia sa ia faatonuina ai o ia e fofola o la fala ma tatau le tainamu. Na te‘i ane le teineititi i se taimi o le po ina ua ia faalogoina o loo faatino e lona tamā se feusuaiga faamalosi ia te ia.
E faatolu ona faia lea gaioiga amio leaga a lē ua molia i lona afafine ma o taimi lava ia na ta‘ua e le teineititi e inu lava le fagu pia a lona tamā. Sa faailoa foi e le teineititi e iai isi osofaiga faapea a le toeaina ae ua galo ia te ia aso ma taimi e faia ai. I le molimau a le tamaloa na ia matuā teena ai le faamatalaga a lona afafine. Na faaalia e le tamā, o lona afafine ua leva ona fia alu ese ma ia, o le mafuaaga lea ua ia faia ai ia faamatalaga pepelo ma lē sa‘o.
Na ta‘ua foi e lē ua molia o lona afafine na ave e leoleo e suesue i se mataupu na tuuaia ai ni tama talavou, ae na avatu ai ma ia. Na faato‘ā ia iloa tuuaiga a lona afafine ina ua taunuu i le ofisa o leoleo i Tuasivi ma faailoa atu ai le faamatalaga a le teineititi. O le mau a le tamaloa o ni tuuaiga lē sa‘o ma le soonafai faasaga ia te ia. Sa ia ta‘ua foi o le tele o taimi i le tuputupu a‘e o lona afafine seia oo ina 14 tausaga sa tausi lava e ona mātua ua maliliu faapea ona tuafāfine.
E leai foi se taimi e moe ai le teineititi ia te ia, auā e moe i uta i lana faatoaga. Fai mai lana molimau ua na o taimi o le ao e oo i le afiafi ae lei po la te mafuta ai ma lona afafine.
Peitai i le mae‘a o iloiloga a le laulau o faatonu e toalua tamaitai ma alii e toalua na taunuu ai i latou i se faaiuga e faamaonia uma moliaga e tolu o le faiaiga faamalosi poo le rape.
O loo faatalia nei se faaiuga a le faamasinoga i le mataupu ma e atagia mai i lenei faamasinoga e soloatoa i le falepuipui se faasalaga e pei ona faailoa e le alii faamasino o Justice Slicer a o lei tolopo le mataupu.
- E ono toe Tatala Suesuega i Faila na Toesea mai le Faamasinoga
- Solo taavale mai Satapuala i Mulinuu e Tetee i Suiga o le Faavae
- E toe Soloia e le Tauta Samoa teuteuga o le Faavae 2020
- Pa’ū maualalo tupe maua mai tagata asiasi mai, ma tupe lafo mai i Samoa
- Na oo le talosaga a faauluuluga o Ekalesia ma le silia i le 1000 sui o le atunuu?
- E feteena’i le teuteuga ma tulafono o loo taatia nei na ala ai ona finau Fiame
- ‘Soo se Samoa e tatau ona malamalama i mea nei’… Taulapapa Brenda Heather Latu
- $820,000 mo fatulaau totō a le Aufaifaatoaga ae 2.5 miliona i le SROS
- E lē fesootai le mu o le ofisa o le Regulator ma suesuega o faia i le Pule Faatonu
- Maoa’e le Alofa Foai o le Atunuu ia Mapuifagalele
- Tali Lemalu Herman Retzlaff i teuteuga o le Faavae
- “Na o le masiasi ma le matagā mea e fai e nei tagata”- Pulenuu o Faleatiu
- Aisea na Solitu ai le Faamasinoga i le amataga ae o lea faatoa Laga mai?
- Sosolo le Faama’i o le mu i Samoa
- E lē toe fia foi Maiava Viiga Fuimaono e galue i le Falepuipui
- E lē o faamoemoe i se fesoasoani mai le malo, e ui o le manaoga sili lea mo faifaatoaga
- O le 14.2% o le faitau aofai o Samoa e maua i le Gasegase tau Fatuga’o
- Faatama’ia e le afi le Maota o le Minisita o Tupe Maua ma le Tiute
Olea le mea o lea toe tepa ai fua ia Atamu ma Eva…e ese lena vaitaimi ona o le foafoaga o le lalolagi…Aua le fa’aogaina lena mea e fai ma mau, e sese i siapani…Mafaufau lelei outou o tamaiti ia e fai iai ia uiga fa’apea, e leo ni teine matutua, oka se vasti o tou manatu…Ia e leo fai atu fa’apea na’o tama e lavea ai foi mai tina ae 99.9% o le taimi o tama lea faia ia uiga mataga i latou fanau…Aua le faimai o le agasala lava o lea e sosolo mai i le amataga, um that is so ridiculous, you got to be joking…how can you justify what happen in the creation of the world to what it happening now…e fa’anoanoa le loto ona o le faimai pea uma atu lesi tama toe fai foi e isi tama, oka ia o lea le mea na lau mai ai fua i lalo tamaiti pea fai o lea…if we all think like this then we are no better than the father’s that are doing this to thier children…
Aua le tau le pua ma lafo i tama. E le o tama uma. Ae faapefea tina ia e toe tolotolo ia latou fanau tama? E sili atu ona amio leaga le fafine nai lo le tamaloa, aua foi ana leai Eva e le ai e Atamu le fua o le apu. O le fafine e poto tele e lafi pe a fai sana amio leaga. E tele foi fafaine ia e amio leaga ia latou fanau tama ae le mafai ona iloa, aua foi e poto e nana ma fai le togafiti ia aua ai nei iloa ma maua ia. E lelei tama o la e maua ma ave i le fale puipui ma molia i le tulafono. Ao tina ia e lalafi nei i le amio lea, talofa e, na o le faakalisini lava le mea e fai ai
READER makua le manaia lava lau tala lea fa’apea “Ao tina ia e lalafi nei i le amio lea, talofa e, na o le faakalisini lava le mea e fai ai”…O oe ea se tagata poto, na aoao oe e ou makua…pei ona faimai nisi manatu e leo fa’apea na’o tama o lo’o faia, ae silasila oe pei ole tele o tala ia e o’o mai e uiga i tama…pea fai la o e iloa ni tina e fa’apea ia olea la le mea ua e le alu ai la e tau…ae silasila oe, ose mea manaia le toe amio leaga o le tama i lona afafine, e pei e tau mai i…ai o oe lesi tagata e fa’apea, fua le VASTY o ou manatu e lea mataupu…EVA gave ADAM a APPLE not her v$#&#@* fa’amolemole…read the BIBLE carefully…ia sei faimai la, e le amio leaga ni tamaloloa…si ona pona lava lea o tamaloloa, e popoto tele e fai amio leaga ae tago le fafine e fai pei la’a feoti…and when you say that “E le faapea la o se amio leaga o le ta’ma i lana afafine ae leai o le agasala o lea e faasolosolo. E uma atu ta’ma ia e faai le tulaga lea i lenei vaitaimi ae feoloa mai foi isi ta’ma i le lumanai latou te faia lava aua o le mea o lea e tuu faasolosolo”…(omit last sentences by Editor)
Ia maua pea le onosai i tulaga ogaoga faapea i va o ta’ma ma fanau teine. Aua a tuu foi i se isi itu. E leai se mea e mafai ona fai iai. Aua o le uluai tagata lava na mafua mai ai le agasala lea, o lea la ua faasolosolo mai ai faapea. Na fai Eva ma Atamu maua le la fanau. Ae na toe fanafanau lava fanau teine a Atamu ma Eva ia Atamu ma faasolosolo mai ai faapea. Lea la ua sausau ai lava i lenei vaitaimi. E le faapea la o se amio leaga o le ta’ma i lana afafine ae leai o le agasala o lea e faasolosolo. E uma atu ta’ma ia e faai le tulaga lea i lenei vaitaimi ae feoloa mai foi isi ta’ma i le lumanai latou te faia lava aua o le mea o lea e tuu faasolosolo.
Fa’afetai mo le avanoa…Oute ofo au i tagata fa’apenei ua mafai ona latou faia ia tulaga i latou fanau teine…o lea ea le aoga a fa’aola ai ia tou fanau pea fa’apea o le faiga lea…amuia latou o maua latou fanau, ae ole tele o tagata e le mafai ona maua ni tamaiti ae le fai fa’apea e isi latou fanau…O le fesili??? e le malie tou loto i lou lava toalua (tulou samoa)…ae oute ofo i le va’ai atu a o latou fanau ae fai lava, e sese foi lea fa’aupuga o le pia e mafua ai leai, ole amio leaga lava o le tagata e mafua ai…Oi e laulau mai i lalo e matou fafine fanau e tausi, ae o tama fai ia tulaga mataga iai, oka se le alofa…I don’t think e tatau ona falepuipui, he should be given the death penalty, aesea ona o lena ua fa’aleaga e ia le olaga teine o le siona afafine…he has taken her life…he can not say forgive me it does not add up to all the pain and the heartache he has cause…ua tatau ona toe tilotilo le malo i fa’asalaga e ave i tagata fa’apea, they are worse than murderers…fa’afetai