O le faafiafiaina o loto o mātua i iuga o taumafaiga a le fanau na galo ai le vaivai ma le tigaina i le tele o tausaga ma aso sa taumafai mai ai a latou aoga.
O le lagona o le fiafia ma le faafetai i le Atua sa vaaia i le po o le Aso Lulu, i le tele o mātua ina ua latou taulimaina ni tusipasi ma ni ipu (trophy) o le tali mai o fanau i le latou manaoga ina ia manuia lo latou taumafai.
O le tamaitai ia Rebecca Knowles Tiatia sa faamanuiaina i ni faaailoga a le aoga a Edge Water faatasi ai ma se sikolasipi a le MIT.
O le agaga fiafia i mātua ua faamalieina i latou i taumafaiga a le fanau, na momoli ai foi le faamalo a mātua ia latou fanau ona o iuga o aoga o lenei tausaga.
