Ua faamaoni upu a le Tusi, ‘o le tama poo le afaine poto, e fiafia ai le tamā.’ Louise, ua e faafiafia i ou mātua, si ou tina matua, faapea lou aiga atoa. Ae ua onomea ai ona muai sii le viiga i le Atua, auā ana lē seanoa lana tausiga faaauau ma lana fesoasoani atu i lou olaga taumafai, poo penei e lē tau lau o lou faamoemoe. Faafetai tele mo lau meaalofa mo ou matua ma lou aiga. O la matou tatalo faaauau, ia tumau pea lou ola finafinau i isi vala uma o lou olaga o loo e faagasolo atu i ai. Alofaaga e tele mai si ou Grandma Sugalu Fuimaono, ou mātua ma lou aiga atoa uma.
