Sa faamanatuina le aso soifua o le tina matua ia Peka Petaia i lona aiga i Brisbane lava ma sa potopoto uma le toatele o le nofoaalo.
O le sauniga faafetai sa taitai e le susuga ia Rev Petaia Tu‘ifao o se alo o le tina matua o loo i le galuega a le Atua i le Ekalesia EFKS a Saute.
E ui ina sa lutia oe Tinā i gasegase o le olaga peitai e vivii fai a‘e o matou loto ma agaga ona ua Ia faafoi le soifua laulelei ia te oe ua toe maua ai le tatou mafutaga matagofie ma ua Ia toe faaopooopo ai lenei tausaga i lou soifua.
Alofaaga ma faamanuiaga mai lau fanau le susuga ia Ieriko ma Matautu Sopo’aga, Asosi Acosta ma le fanau, Faafete ma Faasoo Pili ma le fanau, Anae Maa ma Liliuese ma le fanau, Matalasi ma Anae Malo ma le fanau, Rev Lance ma Lite Tautiepa ma le nofoaalo, Rev Petaia ma Sarai ma le nofoaalo, Anae Leleiga ma Taalolo Tu‘ifao ma le fanau, Valuese ma Panama Sautia ma le fanau, Nanai Tino ma To‘ava Sio ma le fanau, Marasavana ma Nandi ma le fanau, Tiresa ma Peter ma Jakell Poloai, Sipili ma si ana fanau i Niu Sila.
Alofaaga foi e auina atu i le Toeaina ia Rev Tauaaga ma le faletua ia Senerita Mataafa faapea le susuga i le Toeaina Penisione Manumalo faaeaina ia Rev Samuelu ma le faletua ia Tima Tu‘iai ma le nofoaalo faapea ou aiga uma i Samoa, Niu Sila ae faasilisili ai lava alofaaga o fanau a au fanau o loo tou mafuta i taimi uma.
Faamanuiaga faapitoa mo oe Tina e auina atu ia Fiu ma Rosa ma le Pulega a le Leitio Penina o Asuisui faapea au uo ma paaga masani.
Manuia tele le atoaga o lou 86 tausaga e pei ona faamanatuina i le aso 4 o Ianuari 2012.
