O le taeao o le Aso Toonai 2 o Fepuari na sainia ai se maliliega e ala i le faaipoipoga. O se eleele naumati sa momoo faalupe i ai lagona o le alii o Raymond Kolio i le tele o tausaga e fia faatasia ma le masiofo o Eseta.
O tuaa o le tamaitai faaipoipo o Eseta, o Sialei Vaosā ma Feagaimaalii Viliamu Tauiliili Pau (Tuanai ma Faleatiu).
O mātua o Raymond, o si ona tina o Tamarise ma lona tamā ia Tusa Pelenato Kolio mai Salelologa, Matautu Falealili, Manono, ma Lalovaea.
Taitaia le sauniga o le faapaiaiga e le susuga i le Epikopo Alesana Togia o le Uarota a Camira Ekalesia a Iesu o le aupaia o aso e gata ai.
O le fofoga o le aso o le susuga ia Pagako Tauiliili Pau ae fai ma sui o Tumua ma Pule le susuga ia Fai Lavea, e faafetaia aiga ga lua e ala i faaaloaloga matagofie.
Manuia tele le aiga fou, alofaaga mai lua mātua ma lua aiga uma i Ausetalia, Samoa ma Niu Sila faapea a lua ekalesia.
