Faamanuiaga o le 60 tausaga o le soifua o Vaa Ifopo Moevao

O le faamanuiaga o le atoaga o le 60 tausaga o le tamā ia Vaa Ifopo Moevao o Mulifanua ma Papatoetoe. O le viiga e faafoi i le Atua ona ua aulia mai e le tamā lona 60 tausaga. O le tatalo ia alofagia e le Atua, faamanuia lou soifua maua nisi tausaga se tele, i le malosi ma le soifua maloloina, auā le feagai ai ma galuega ma le tausiga o le aiga.
O le Aso Toonai i Papatoetoe sa faia ai se ‘aiga faapitoa ma feula ai le keke o le faamanatuina o le 60 tausaga o le susuga ia Vaa Ifopo Moevao. Alofaaga e lē mavae mai lau manamea o Shirley Ifopo Moevao ma si au fanau pele o Viliamu ma David, faapea aiga i Niu Sila nei, ma soo se atunuu o le lalolagi. Manuia tele lou aso soifua Vaa Ifopo Moevao.