E faafetaia le alofa laveai o le Atua i Lana tausi vaatele ma lana foai i nei tausaga e tele mo lau afioga Tofilau Lealiiee Tufulasi Taleni (Iva Savaii), ua aulia manuia le atoaga o lou 50 tausaga e pei ona faamanatuina i se sauniga matagofie i le Alectra Premises i Kalaiesetete i le Aso Toonai, aso 30 Oketopa 2010.
Matou te faamanuia atu ai i lou aso soifua ua aulia. E faafetaia foi le Atua i le lasi o taleni ua faaagavaaina ai lau afioga Tofilau Lealiiee e ala i le Matagaluega o Aoga fanau Pasefika i totonu o le Iunivesite Canterbury, aemaise tiute mo lau ekalesia pele.
E faamalo atu mo le tautuaina o le tatou aiga i Samoa ae ua sili ai i ou tiute faatamā mo Jane ma le fanau i Kalaiesetete. Ia alofagia e le Atua ia faafualoaina pea lou soifua e auauna ai i le atunuu, aiga ma ekalesia.
You can only perceive real beauty in a person as they get older. There is a fountain of youth: it is your mind, your talents, the creativity you bring to your life and the lives of the people you love.
When you learn to tap this source, you will have truly defeated age.
O alofaaga mai lou tina pele i Samoa, aiga uma i Niu Sila, Samoa, Ausetalia & Hawaii, Pacific Teachers Team, College of Education UC, ae sili pea Jane & fanau, Lehman, Hirem, Seth ma Sieni.
Faamanuiaga mai le Siufofoga o le Penina o Samoa 96.9 Plains FM Kalaiesetete faapea le nusipepa lauiloa o le Samoa Times.
