O le afiafi o le Aso Faraile na faamanatuina ai le 80 tausaga o le tina matua ia Luise Laulu Seumanutafa (2/2/1934). Toatele aiga malaga mai Niu Sila, Hawaii ma isi setete o Ausetalia nei.
Sa taitaia le sauniga lotu faamanuia e le susuga ia Bishop Alesana Togia. O le fofoga o le po o le susuga ia Ezra Logoitino Seumanutafa.
Na fai ma sui o aiga na lua le susuga ia Seiuli Faamalele e faia se faafetai i le aofia ae o o Faitala Lualua sa tulai e fai ma fofoga o le auvalaaulia auā le matagofie o tapenaga a aiga o le tina matua.
Na iu manuia le faamoemoe ae sili ai ona sii a‘e le viiga i le Atua mo nei tausaga e tele ua ia foai mo nai mātua matututa.
O alofaaga e lē mafai ona mavae e auina atu i lau fanau faapea fanau a au fanau ma ou aiga uma lava i Ausetalia, Niu Sila faapea Samoa, Amerika ma Hawaii.