Faamanuiaga o le aso soifua 70 tausaga o Faiumu Maria Blore-Vaafusuaga. O le aso 3 Iulai na atoa ai lona 70 tausaga ae faato’ā faailoga i le afiafi o le Aso Toonai 16 Iulai 2011 i le hall a Belmont School, Lower Hutt, Wellington. O le surprise party na organise e aiga faapea nieces ma nephews o Faiumu Maria o loo i Ueligitone mo lona 70 tausaga.
Na tatalaina i se sauniga puupuu na taitaiina e Tupuola Lami Vaafusuaga (brother) o le failauga mai le Ekalesia Assembly of God i Fantame, Porirua. O le Master of Ceremony (MC) o Tamala Gerrad Van Ooyen (nephew).
O se mafutaga matagofie ua toe feiloai ai le toatele o le aiga ua leva e lei toe feiloai, o uso, tuagane, cousins, nephews, nieces mai Ausetalia, Kalaiesetete ma Aukilani.
O le toatele o le aiga na tutulai i lea afiafi e faafetaia Faiumu Maria i lona alofa ma ana galuega lelei mo le aiga ua manuia ai, ma o mai uma ai lona aiga i atunuu i fafo. O Faiumu Maria Vaafusuaga-Blore e toatasi si ana tama o George Blore, ae toatolu ana grandchildren o Libby, Maddison ma Georgia Blore.
