‘O le fanau o le tofi lea mai ia Ieova, o e fananau mai, o le taui lea mai ia te Ia, amuia se ua tumu ai lana utu…Lo‘u agaga e, ia e faamanū atu ia Ieova, auā e lelei lava o Ia.”
O nisi ia o upu o le tatalo faafetai a mātua o le alii o Seuga Tula‘i-Gago, ina ua potopoto aiga malaga mamao mai i Ausetalia ma isi vaega o Niu Sila e faamanatuina le atoaga o le 5 tausaga o le atalii i le Aso Sa, 25 Aukuso. O se faamoemoe sa matuā faatumulia ai aiga, uo aemaise o tausoga o le alii o Seuga.
E lē gata i lea, o lagona o le olioli ma le agaga faagaeetia, auā o faatasiga faapenei e molimauina ai le matagofie o lo tatou Atua Silisili ese, auā e maeu le matagofie o lana tausiga ma lona alofa lē faatuaoia i aso uma. Matagofie foi ma felanulanuai tapenaga a tuaā o le alii o Seuga, le susuga ia Safeau Gago ma le faletua ia Sala, auā le fofoga taumafa o le aufaigaluega paia a le Atua, faapea le auvalaaulia sa auai.
Manuia tele lava le atoaga o lou lima tausaga Seuga. May our good Lord continue to shine His light upon you & may His divine wisdom continue to be your Guide. Many more wonderful & happy returns Seuga.
Alofaaga e tele mai ou mātua o Safeau & Sala Tulai-Gago aemaise si ou tuafafine o Tuutuu faapea ou aunties & uncles, cousins ma aiga atoa i Niu Sila, Samoa ma Ausetalia.
