“Ave lo‘u ola ia aoga, le Alii e i ni au feau”. O le pese e momoli ai le loto faafetai ma le agaga faamanu i le Atua ina ua aulia manuia mai e lau Afioga Loli Lapana lou 45 tausaga i le aso 8 o Me o lenei foi tausaga. Pei o upu o le pese, ia faaaogāina pea lou soifua e le Atua i ni galuega ma ni feau ua na faamanuiaina ai oe. Poo le tausiga o le aiga, tautuaina o lona finagalo i soo se mea poo le faaaogāina foi i se galuega, ia faia ma le faamaoni ma le lototele. Manuia tele lou 45 tausaga.
Alofaaga e lē mavae mo oe mai ou aiga uma lava i Samoa, Ausetalia ma Niu Sila nei. Faamanuia tele foi le Aso Sa o Tina i lou tina ia Apaula Paulo aemaise nai ou aunties o Talaifili ma Malia mai Samoa o loo tatou mafuta.