O se aso matagofie ma le lagi lelei na potopoto ai aiga ma uo o le tamaitai o Pepe Rachael Ioane a o molimauina e aiga ma uo le faamanatuina o lona 21 tausaga i le aoauli o le Aso Toonai, aso 20 o Me na atoa lelei i ai lona aso soifua.
Sa auai ona aiga ma uo faapea le auvalaaulia. O ona tuaa o le susuga i le faafeagaiga ia Rev Sitevili Ioane mai Samamea Fagaloa ma Manunu, faapea lona tina ia Nifo Pritchard Ioane mai Manunu.
Molimoli atu alofaaga mai nai ou mātua pele faapea uso ma tuagane, lau Ekalesia aoao i Kuiniselani, Toeaina ia Rev Afoa Alapati ma Sarai Meatuai Tuuga Stevenson ma ekalesia uma, Peteru ma Luse Poloai ma le nofoaalo, Tauiliili Pei Jeff Reupena ma le faletua ma le nofoaalo, Lealofi Lausei ma Lagi Pritchard ma le nofoaalo ma le au Pritchard uma.
E momoli atu foi alofaaga mai ou aiga uma lava ma uo i Samoa, Ausetalia ma Niu Sila.
Manuia tele lou 21 tausaga Pepe Ioane!