O Ieova o lo‘u leoleo Mamoe o Ia, E leai se mea ou te mativa ai. Auā o Ia na foai mai, o Ia foi na ia tausia. Faafetai i le oloa ma le mealofa na tuuina mai, ae silisili le faafetai i se tamaoaiga lelei ma le matagofie naua.
E vivii a‘e ai o matou agaga i le Atua ina ua aulia mai e oe le afafine le 21 tausaga o lou soifua. Amuia oe, amuia ma‘ua mātua ina ua ma sapaia se afafine usitai, faamaoni ma alofa.
Maria Maurren, faafetai i lou alofa i le tatou aiga, ae sili lou usitai ia ma‘ua mātua faapea lou agalelei i Samoa.
Ua e inu i faamanuiaga o le teine e mata‘u i le Atua, ma faalogo, ava i mātua. Ua e asoa ma e pale i faamanuiaga a le Atua e ala i lau pisinisi sa tatalaina i le masina ua tuanai.
Ia susulu pea le lamepa ma taleni ua tuuina atu e le Atua. Avea o se tautua e auauna ai mo le atunuu, aiga faapea le Atua ma lona Finagalo.
O faamanuiaga ma alofaaga mai Falefa, Lano, Leulumoega ma aiga uma i Samoa, Niu Sila, Melepone Ausetalia, faapea uso ma tuagane. Alofaaga e lē mavae mai mātua ia Iota ma Samaila, lou uso matua o Pesio ae afe ma afe mai ou mātua peleina o Lagi ma Matafeo Lio.
Ia manuia lou aso 21 tausaga Maria Maureen Samaila!
