O le mitamitaga o le loto, a o le viiga ma le faamanū i le Atua Soifua, ona ua mafai ona aulia lou aso fanau, ma ua e maua ai le luasefulu ma le tasi tausaga o lou olaga Ria.
Aua ne‘i galo meaalofa a le Atua ua foaiina ia oe, mo lou olaga tuputupu a‘e, ma ia manatua o meaalofa uma e toe faafoi ai le viiga i le Tamā na ia aumaia le malosi, poto ma le atamai, atoa ma taleni. Ia e manatua foi, poo le ā lava le atamai ma le poto ua maua, e te manaomia pea le fesoasoani ma le faatonutonu a ou mātua i ou ala uma. Ia tumau le faamoemoe ma le faalagolago i le Atua e manuia ai lou olaga.
E lē galo oe i ou aiga, o uo ma ē masani aemaise o lou aiga i le faatuatua ma lou soifua Kerisiano. Ia saga faamanuia pea le Tamā, ma ia toe foai nisi aso se tele, ma ia faafouina pea taleni ua e maua ma le atamai e viia ai le Matai.
Alofaaga mai ou mātua peleina, Pastor Fesalaiai Paeu Meke ma Faafetai Dora Leilua, ou tuagane pele Mac ma David Leilua o Magele Aukilani.
Ou uncle ia Unasa Pai ma Sera ma le fanau Leilua, Ps Aperila ma Fale Leilua. Pose ma Rachel Momoemausu, David ma le faletua Momoemausu.
O ou tausoga (cousins) uma i Aukilani ma Samoa, o au uo mai le ekalesia Auckland AOG, Mt Albert Worship Centre i Aukilani, ma le Word of Life Church i Aukilani.