Faamanuiaga 16 tausaga, Carlene Tiata Goodna Brisbane

E maualuga pea le viiga o le Atua e ona le poto ma le atamai ua lē gata ua e faafiafiaina lou aiga, mātua ma le Ekalesia ae ua aulia mai ai foi ma lou 16 tausaga i le aso 27 o  Aukuso. Manuia tele le atoaga o lou sweet sixteen Carlene. Faamalo le faaeaea aiga, ua e sii ou mātua i le maa sālafa e tusa ai ma lou tulaga muamua i le faasinoti Ekalesia Metotisi a Kuiniselani.

Alofa le Atua ma saga faamanuia ia te oe ma lou lumanai. Tumau i ou uiga tausaafia ma le alofa, usitai i mātua ae sili ona e mata‘u ma ava i le Atua o le amataga lava lea o le poto.

Alolofa tele atu le tamā faaleagaga le afioga i le Sea ia Rev So‘afa ma le faletua ia Logotaeao Mulipola faapea lau ekalesia Peresepene faapea au uo ma aiga i le faasinoti atoa.

Alolofa atu foi le susuga ia Rev Moloka & Uaine Toleafoa & nofoaalo.

Alolofa atu Uncle Tiata Tiata & Ilo ma le fanau ma aiga uma i Niu Sila; best aunty Eni & Folasifale ma le aiga i Melepone; Aunty Talosia & fanau i Woodridge; Faisolo Seuava ma le aiga atoa i Samoa, faapea Puipui Fatu & aiga i Niu Sila.

Alofaaga foi mai ou tuagane Chris & Tupu Tiata, ou uso o Ruby & Faaea Breanna Tiata faasilisili mai ou mātua pele o Pasese Kilisimasi (Leulumoega) & Faaea Tiata (Tiavea), faapea Iosefa Mamako ma aiga uma i Samoa, Niu Sila, Ausetalia faapea uo ma ē masani.

E faamanuia atu foi ia Ruby e tusa ma lona tulaga muamua i le vasega 6 a le faasinoti Ekalesia Metotisi Kuiniselani.