“A o e faatalitali ia Ieova, e toe faafouina lo latou malosi, latou te sii a‘e apaau e pei o aeto, latou te femoei ae le vaivai, latou te savavali ae le tigaina”.
E mitamita fai a‘e o matou loto i le Atua ona ua mafai e oe le Tama, se tuagane, se uso poo se atalii peleina ona aulia mai le 50 lenei o tausaga o lou soifua.
Faafetai i le Atua ona o nei tausaga e tele ua foaiina atu mo oe, faafetai foi i le Atua ona ua faamealofaina i matou i se Tama alofa, agamalu, loto maulalo ae silisili ai o se Tama e alofa i le Atua.
Faafetai i lau tausiga ia te i matou, faafetai i lou alofa ma lau tatalo ua matou manuia ai. O upu a le tusi – “E afua mai mauga le manuia o se nuu ma se aiga”.
O la matou tatalo ia faapena ona faamanuia tele atu le Atua ia te oe aemaise ia toe maua nisi tausaga se tele faapenei tatou te mafuta ai pea aemaise o le Atua ma lana galuega. Ia maua pea e oe le Tama le tino malosi ma le ola soifua maloloina.
Matou te alolofa tele mo oe ma e le galo oe i o matou loto. Alofaaga ma faamanuiaga o lau fanau, Junior, Shalom, Faasalia, Rita & Lafitaga. O lou tina pele ia Tuna Sooa‘emalelagi, o ou tuafafine ma uso, ma ou aiga uma i Samoa, Ausetalia, Amerika Samoa, Italia ma Niu Sila nei, ae silisili ai alofaaga o si ou toalua o Hannah Sooa‘emalelagi o Glen Eden.