O Senakolo uma e 5 a le Ekalesia Katoliko sa tuufaatasia i le ta o le 11 i le taeao o le Aso Sa na tea nei, mo le latou sulufaga ua igoa o “Iesu le agaalofa mamana”.
Sa taitaia le Misasa e le afioga ia Patele Epati Tamati, sa matagofie foi faagaioiga e ala i pesepesega ae taualuga e pei ona tatalaina ai i le viiga amata sa fofogaina e le senakolo a Darra.
O le fetalia‘iga o le Misasa ma le faatoesega sa lagiina e le senakolo a Woodridge. O nisi o divine mercies sa auai e aofia ai Caboolture, Jinderly, Darra, Woodridge faatasi ma Inala lea sa lagiina le viiga faafetai e faaiu ai le sauniga. Sa taualuga i le taumafataga na saunia e le Uncle Sams take away (Poulava Sam &Lorna Matautia).
I le mae‘a ai o le fofoga taumafa sa faapea loa ona alo e maimoa faaevagelia sa saunia e Senokolo sa sioa ai le aofia ma i latou sa auai. E iai nisi Senakolo, sa auai peitai sa lē pueina o latou ata ma e maeu foi le agavaa o tamaitai ma alii ia latou faagaioiga ona o le faatāuaina o lea sulufaga i totonu o le ekalesia Katoliko ua igoa o “Iesu le agaalofa mamana”.
